دماغى وجعتنى طول النهار فى الشارع وفى العربيات ذلك الصوت يتردنى انا مش انا انا مش عرفنى بالله عليكم ده كلام يقوله عاقل ده كلام مساطيل حكاية الاغنية اللى فى كل حته فى مصر قال اى واحد بص فى المرايا فجاة وطبعا دى مش نضافةلى علشان لاقى روحوا فجاة مش عارف نفسه يبقى ده اكيد مستحماش من زمن وبعدين بيقول انا مش عارفنى لى المخدرات غيرت شكلوا ولا المشاكل ولا المدام ولا عمليات التجميل ما عليان ارحموا اذنى من هذا الفساد الفنى بصراحة احنا بقى ذوقنا وحش اقوى وعلى فكرة يقاس تقدم الامم بفنونها واحنا الحمد لله فنونا اكبر شاهد علينا كفاية بقى وعلى العموم انا بقى عرفنى وكل يوم بشوف نفسى وانا اناولى مش عجبوا يشرب من بحر غناء المساطيل
هناك تعليق واحد:
لالالالالالا
الا هذه القصيدة العصماء
-أنا مش عارفني
أولا يدل على انفصام شخسية
حيث انه تصور نفسه واحد تاني
والمصيبة انه طلع مش عارفه
-أنا توهت مني
استمرار لحاله الانفصام
مع بداية لاحساس بعدم المسئولية
-أنا مش أنا
الراجل اتبرى من نفسه يا جدعاااااان
ههههههههههههههههههههه
والله الملاحظ اليومين دول في الأغاني الشعبية
انها ما بقتش مجرد تغزل في زينة الحارة الأخت سمارة وبس
بس كمان بقى فيها نوع من أنواع التوعيه
(مش كلها يعني)
يعني في أغنيه عن العبد والشيطان
وازاي الشيطان بيوسوس للبني آدم
وازاي احنا مانسمعلوش
الأغنيه الشعبية موجهه لفئة معينه من الناس ماتقدريش توجيهلهم نصح مباشر
وتقوليلهم ان البانجو وحش او الكليبات واللي فيها حرام
يبقى لازم ندخلهم من السكة اللي يسمعولها ويحفظوها كمان وبأسلوب قريييب جدا لأسلوب كلامهم
أما بقى للصوت اللي دايما اجش ووحش
ده بقى من تأثير المخدرات :))
ماهو لازم المطرب يجرب قبل ما ينصح الناس انها تبطل
اومال فين المصداقية
:))
معلش طولت شوية
اصل الموضوع ده شاغلني انا كمان
إرسال تعليق