ابدا من الان حب مصر بجد

ليه هو انا مبحبش مصر بجد لا بتحبها بس حب العاطفة مش كفاية حاول تخرج حبك من مجرد احاسيس ومشاعر لفعل وممارسة حقيقية تعبر بيه عن حبك لمصر اعمل حاجة تفيد بلدك وتحسسك بمعنى الحب انضم لحزب او حركة وطنية او جمعية خيرية او حتى نظف شوارع مصر او بلاش ده كله اتكلم مع اهلك مع جيرانك وزمايلك فى الشغل عن مصر جديدة فيها عدالة وحرية وكرامة انسانية اتكلم عن بكرة عن دولة ديمقراطية عن تداول سلمى للسلطة عن برلمان بجد يحاسب اى مسؤل ويشيل اى حكومة لو محققتش مصالح وطموحات شعبها عن مسؤلين شرفاء مش خدمة البلد بالنسبة لهم عمل لتحقيق ثروات ومصالح شخصية يلا قوم انحرك وميهمكش لو حد قالك هو انتو هتعدلوا المايلة قلو هنعدلها هى عمرها مكانت مايلة ده برغم كل اللى نهبوها قايمة قول وراية اللى يحب مصر هو اللى يعمر مصر