الجمعة، 9 مايو 2008
يا فرحه ما تمت
كم كنت سعيد عند اعلان العلاوة وقعدت احسب هزيد ادى ايه وصرف الفلوس فى اية وفجاة يا فرحه ما تمت خدها السولار وطار الحكومة لمت العلاوة بدرى واقبل ما اقبض قرش احمر لاقيت الموصلات زادت وكل يوم اتخانق مع بتاع الميكروباس واخدت عهد على نفسى ما ركبش تاكسى بس انا خايف اروح بكرة اشترى جرجير يقولى غالى علشان السولاريا ناس السولار خالى عيشتى نار شكرا يا حكومة على كل النعيم والجمال والرفهية اللى انا عايش فيها وشكرا على صدق الوعود وعدتم ان لا مساس بزيادة اسعار البنزين والسولار وعدتم بتحسين احوال معدومى الدخل شكرا ولى طلب وحياتى النبى انا مش عايز العلاوة دى ممكن مخدهش وترجعوا اسعار السولار ودى مش اعتراض والله دى طلب وربنا ما يحوجكوا للمكروباس ولا سواقوا ابو وش عكر اللى كل شوية يذلنى ويقولى مش عجبك انزل وربنا يضيكم على اد نيتكم يا اجمل ما شافت عينى!!!!!!!!!!!!!!!!!!!!
الاشتراك في:
تعليقات الرسالة (Atom)
هناك 6 تعليقات:
السلام عليكم ..انت تمتلك فكر معتدل ومحترم ومتقاربى لفكرى لذا ارجو انا اكون احد اصدقاء مدونتك وان تبادلنى الفكر ووجهة نظرك فى كتاباتى على مدونتى http://www.sharoud.blogspot.com/
بحبها
ايه يا عم الكلام الكبير ده هو انا اغيب شويه ارجع الاقي البنزين غلي والسولار كمان والاقيك زهقان من عمو سواق الميكروباس ده حتى امور بس انت حاول تبصله بوجهه نظر مختلفه من غير خلفيات قديمه بينك وبينه حتلاقيه حلو وجميل وبعدين خلي بالك سواقين الميكروباص زعلهم وحش يعني ياريت تيجي على انك تنزل بس مش الطريقه اللي حتنزل بيها حضرتك من الميكروباس
همسه
شكرا على التواصل وانا سعيد ان اول مدونة اضيفها واول صديق اعرفه يكون بالفكر المعتدل دا
السلام عليكم و رحمة الله وبركاته
مش عارفه اقولك ايه الناس كلها بتقول انها ماكنتش عاوزه العلاوه على كل حال ادعى ربنا ان ما تجيش علاوه تانيه و كده رضا ..
معلش نعيش ونأخذ علاوه و بكره ربنا يعدلها .
خالص تقديرى وتحياتى
rovy
يا الله
كم بوست قرأت يصرخ من العلاوة وتوابعها
وكلها بوستات تقطع القلب
ياصديقى واضح اننا نؤذن فى مالطة والمصلين فى مصر
ولا حد بيسمع
تقريبا فقدوا ودانهم فى حادثة ولا ايه
ربنا يرحمنا جميعا
منهم جميعا
ويحلوا عن البلد جميعا
يارب
تحياتى
ى يعنى خلصت كل مشاكلنا وتقلصت فجأة فى مسألة العلاوة
همنا أكبر من كدا صحيح مسألة تعبتنا لكن هى جزء من كل المواجع اللى على دماغ المصريين
وبصراحة مدونات كتيرة تناولت الموضوع خايفة من الاستغراق فيها ونفتكر انها كل هدفنا
إرسال تعليق